Iung pơma tơ̆ Pơgơ̆r et sa, Ƀok kơdră tơm Italia sơkơ̆t hơdăh: Việt Nam ‘nŏh mĭnh teh đak jang hơdoi kăl hloh hăm tơdrong hơtŏ hơnơ̆ng păng gơ̆h hơgei kơ Ấn Độ Dương-Thái Bình Dương, tơring mă Italia tŏk bŏk roi năr lăng ba kơ jăp lơ̆m Trong jang tơm kơ Jơnŭm atŭm châu Âu.

Iung pơma tơl ăn, Kơdră chĕp pơgơ̆r Teh đak Võ Văn Thưởng pơma tơbăt dơ̆ng rim tơdrong pơma dơnuh hăm ƀok Kơdră tơm păng Kơdră chĕp pơgơ̆r kơpal kơ Italia lơ̆m ‘măng iung năm tơmang au, Kơdră chĕp pơgơ̆r Teh đak tơbăt, ƀar păh tơbăt ‘meh vă păng hơdrin hơnhăk tơdrong tơgoăt tơgoăl jang hơdoi Gĭt kăl ƀar păh teh đak yak truh mĭnh trong hle, pran kơtang hloh păng iŏk đei jơnei hloh, tơgop lơ̆m rim trong tơlĕch jang atŭm găh atŏk tơ iung kơjăp ‘lơ̆ng păng xek tơlang rim tơdrong lơ̆m plei teh ‘moi kiơ̆ hơtŏ hơnơ̆ng păng vang đei iŏk yua, vang iung jang kiơ̆ rim tơdrong rơvơn păng tơdrong đei đơ̆ng kơdih teh đak, kơ yuơ đei iok yua kơ kon pơlei ƀar teh đak, kơ yuơ rơngei hiôk hian, jang hơdoi păng atŏk tơ iung tơ̆ tơring păng lơ̆m apŭng plĕnh teh.