Tơ̆ jơ hmach Têt, Kơdră chĕp pơgơ̆r Teh đak pơma hơdăh, Hơnih tơm chĕp pơgơ̆r Kanh sat kơ đô̆ng kăl jang ‘lơ̆ng bơ̆ jang tơ iung pơjing Đảng tơpă rơgoh, pran kơtang, jang kiơ̆ kơjăp 6 nơ̆r Ƀok Hô pơtho Kŏng ang kon pơlei kơyuơ teh đak plang akau, kơ yuơ sơđơ̆ng ăn kon pơlei jĭ tơdrong hiôk chơt ăn kơ dih.

Pơma hơdăh, năr têt ‘noh jơ ‘năr akŏm ŭnh hnam, mă lei lơ kanh sat kơ đô̆ng năm iung jang, tơjră hăm lơ tơdrong, Kơdră chĕp pơgơ̆r Teh đak athei khul kơdră Đảng, Kơdră chĕp pơgơ̆r Kanh sat Kơ đô̆ng, kang ƀô̆ chĕp pơgơ̆r lăng ba, vei lăng năng tông jơhngơ̆m đon, mŭk drăm vă rim ‘nu kanh sat năm bơ̆ jang tơ̆ yơ jei chơt hiôk, ‘lơ̆ng rŏ lơ̆m năr puih mak, lơ̆m tơdrong lăng ba đơ̆ng kang ƀô̆ chĕp pơgơ̆r.