Tơdrong tơchơ̆t Tơgŭm dih băl tư phap găh hinh sư̆ ƀar păh Việt Nam hăm Ác-hen-ti-na gô tơgop pơtrŭt kơtang tơgoăt tơgoăl jang hơdoi tôm tong ƀar teh đak hơnơ̆ng atŏk tơ iung păng hơnhăk đei lơ tơdrong ‘lơ̆ng hơ iă lơ̆m lơ tơdrong.

‘Nau jĭ trong jang khôi luơ̆t đei ƀơm truh kơtă, tôm tong, gĭt kăl vă rim hơnih jang kiơ̆ khôi luơ̆t ƀar teh đak iung jang hơdoi dăr lăng, hơlen dôm tơdrong kơnăl, iung jang dôm tơdrong tơchơ̆t tơkêng vă xek tơlang tôm tong rim tơdrong pơm yoch kơtang, trŏ lăp hăm tơdrong jơnei iung tơjră tang găn rim tơdrong pơm yoch, vei lăng năng tông ‘lơ̆ng pơm tơm kơdih păng đei iŏk yua trŏ ƀlep kơ kon pơlei ƀar teh đak.