Hôn bơnê kơtang dôm tơdrong jang iŏk đei jơnei kơ Kŏng ang pơlei tơm Hồ Chí Minh, Kơdră chĕp pơgơ̆r teh đak pơma hơdăh, jĭ tơring tơm chinh trĭ, joh ayŏ, mŭk drăm-tơpôl, pơlei tơm Hồ Chí Minh đei hơnăp jang, hơnih dơ̆ng tôch gĭt kăl hăm Tơring păng pơđĭ lơ̆m teh đak.

Kơdră chĕp pơgơ̆r Teh đak athei Kŏng ang pơlei tơm băt hơdăh tơdrong, tơklep kơjăp tơring, pơchoh trong tơtom ăn kơdră chĕp pơgơ̆r kơ pơlei tơm vă xek tơlang ‘lơ̆ng rim tơdrong sơđơ̆ng dơ̆ng kơjăp. Kơdră chĕp pơgơ̆r Teh đak athei khul Kanh sat Tang găn hơlau, pĭt ŭnh sa păng dŏng tơgŭm kơ pơlei tơm kăl atŏk kơtang bơ̆ jang ‘lơ̆ng hloh dơ̆ng lơ̆m tang găn hơlau, pĭt ŭnh sa hăm trong jang: “Mă đơ̆ng bơngai bu, hơnih ayơ, jei pơm kiơ̆ kơtang tơdrong tơchơ̆t găh tang găn hơlau, pĭt ŭnh sa”.