Kơdră jang lơ̆m Hơnih tơm Chinh trĭ, Kơdră chĕp pơgơ̆r Teh đak, Kơdră Hơnih chĕp pơgơ̆r 35 Trung ương vang năm, pơrô̆ jang Hop akŏm.

Iung pơma tơ̆ Hop akŏm, Kơdră chĕp pơgơ̆r Teh đak Võ Văn Thưởng athei rim hơnih Đảng hơnơ̆ng tơlĕch jang kiơ̆ kơtang hlŏh dơ̆ng tơdrong jang vei lăng năng tông jơhngơ̆m đon ‘lơ̆ng kơ Đảng, iung tơjră phă pơrăm nơ̆r pơma glăi, pơm nhoi tơblĕk, mă kăl lơ̆m chăl hle hrei au; sơkơ̆t hơdăh hơnăp jang kơ bơngai chĕp kơ̆l păng rim kang ƀô̆, đảng viên lơ̆m jang kiơ̆ tơdrong bơ̆ jang au. Atŭm hăm ‘noh, kiơ̆ yok rok jơ̆ng hloh dơ̆ng hơnăp jang, sơnong jang kơ rim hơnih bơ̆ jang vei lăng năng tông jơhngơm đon ‘lơ̆ng kơ Đảng; pơm hơtŏk iŏk đei jơnei kơtơ̆ng ang, pơrô̆ pơrôp kơtang lang să dôm tơdrong ‘lơ̆ng hơ iă, iung jang kơtang tang găn rim nơ̆r pơma pơlĕnh pơdăr, pơm nhoi tơdrong tơblĕk.