Đơ̆ng rŏng pơm lêh sơng, ƀar ‘nu kơdră chĕp pơgơ̆r hlôi pơma đam. ‘Nau ‘măng năm tơmang Việt Nam mă blŭng đơ̆ng ƀok Tokayev jô̆ đơ̆ng mă iŏk jang lơ̆m sơnăm 2019, jei jing ‘măng năm tơmang Việt Nam blŭng a kơ mĭnh ‘nu Ƀok kơdră tơm Kazakhstan lơ̆m 12 sơnăm au ki.

Việt Nam păng Kazakhstan pơjing tơbôl lơ̆m năr 29/6/1992. Sơnăm sơ̆, ƀar teh đak tơbăt 30 sơnăm pơjing tơbôl. Đơ̆ng mă Tơdrong tơchơ̆t Mơdro sa hiôk hian Việt Nam - Jơnŭm atŭm mŭk drăm Á - Âu (EAEU), đei rim teh đak Armenia, Belarus, Kazakhstan, Nga păng Kyrgyzstan đei jang kiơ̆ lơ̆m sơnăm 2016, tơdrong tĕch mơdro dih băl 2 păh Việt Nam - Kazakhstan tŏk kơtang jô̆ hơtŏ 28% lơ̆m sơnăm. Tĕch mơdro dih băl lơ̆m sơnăm 2022 iŏk đei vă jê̆ 600 triu USD. Ƀar păh tơlĕch pơkăp gô iŏk đei tĕch mơdro dih băl tŏk 1 ti 500 triu USD lơ̆m sơnăm 2030.