Tơ̆ pơma đam, ƀar ‘nu kơdră chĕp pơgơ̆r sơkơ̆t hơdăh dơ̆ng tơdrong kăl lơ̆m tơdrong pơtrŭt kơtang ăn khul kơdră tơƀơ̆p dih băl, mă kăl kơdră kơpal, ƀar păh tơlĕch jang kiơ̆ jơnei rim trong jang hơdoi hlôi đei adoi nhen ƀar păh rim Hơnih tơm, hơnih bơ̆ jang, tơring vă atŏk kơtang hlôh vao dih băl, lui kiơ̆ dih băl, pơjing jơhngơ̆m pran ăn jang hơdoi lơ tơdrong kơ ƀar teh đak.

Ƀar păh drơ̆ng mĭnh nơ̆r hơnơ̆ng iung jang hơdoi kơjăp păng tơgum djru dih băl tơ̆ rim ‘măng hop akom lơ pang, mă kăl ‘nŏh Liên hợp quốc, Hop akŏm kơdră kơpal găh Iung jang hơdoi păng rim trong jang tơ iung pơjing jơhngơ̆m đon lui dih băl tơ̆ châu Á; sơkơ̆t hơdăh Việt Nam drơ̆ng nơ̆r pơm gơng tơroh kloh klĕch vă Kazakhstan atŏk kơtang jang hơdoi hăm rim teh đak lơ̆m tơring Đông Nam Á păng Kazakhstan gô jing gơng tơroh kloh klĕch vă Việt Nam atŏk kơtang jang hơdoi hăm rim teh đak Trung Á.