Kơdră chĕp pơgơ̆r Teh đak Võ Văn Thưởng sơkơ̆t hơdăh, Việt Nam lăng gĭt kơ Italia lơ̆m trong jang tơbôl kơ teh đak. Ƀar ‘nu Kơdră chĕp pơgơ̆r hlôi pơma dơnuh păng drơ̆ng mĭnh nơ̆r rim trong vă jang păng trong jang tơm vă atŏk kơtang tơgoăt tơgoăl Jang hơdoi gĭt kăl Việt Nam – Italia.

Găh tơdrong chinh trĭ tơbôl, ƀar păh drơ̆ng mĭnh nơ̆r ăn khul kơdră tang măt rim hơnih, mă kăl khul kơdră kơ pal Teh đak, Khul kơdră chĕp pơgơ̆r Teh đak păng Kuôk hô̆i chă tơƀơ̆p dih băl; hơnơ̆ng tơlĕch jang jơnei rim trong jang hơdoi dih băl. Găh tơdrong jang mŭk drăm, Ƀok kơdră tơm Italia drơ̆ng nơ̆r hăm nơ̆r athei đơ̆ng păh Việt Nam găh tơdrong ƀar păh hơnơ̆ng tơlĕch jang kiơ̆ jơnei Tơdrong tơchơ̆t Mơdro sa hiôk hian Việt Nam – EU (EVFTA); atok kơtang ăn kon pơlei năm ngôi dih băl ‘moi kiơ̆ jang hơdoi găh pơtho pơhrăm, jŏh ayo kơdŏ soang, jang hơdoi ƀar păh rim tơring…