Tơ̆ jơ sơng, Kơdră chĕp pơgơ̆r Teh đak Võ Văn Thưởng sơkơ̆t hơdăh, Việt Nam tơ̆ rŏng hơnăp nhen mĭnh, lăng kơjăp tơgoăt tơgoăl jang hơdoi gĭt kăl hăm Liên bang Nga.

Kơdră chĕp pơgơ̆r Teh đak lăp đon hăm nơ̆r pơma đơ̆ng Kơdră chĕp pơgơ̆r Duma Quốc gia Nga găh jang hơdoi muk drăm-mơdro sa, tơmơ̆t jên jang khei năr au ki tim mă trŏ lăp nhen ‘meh vă, mă lei ‘noh hlôi jĭ tôch hơdrin păng tơdrong hơdrin kơ bar păh lơ̆m khei ‘năr đei lơ tơdrong tơnap tap. Khei năr kơnh, Kơdră chĕp pơgơ̆r Teh đak athei ƀar păh hơnơ̆ng ăn khul kơdră tơƀơ̆p dih băl, kơ yuơ tơdrong tơƀơ̆p dih băl, pơma dơnuh dih băl, hơdrin vang yak hloh tơnap tap ‘noh tôch gĭt kăl păng kăl hloh hăm dôm bơngai boăl joăt đunh đai tai sơnăm mĭnh nơ̆r ƀơ̆r đon. Kơdră chĕp pơgơ̆r Teh đak ‘meh vă ‘meh vă jang hơdoi ƀar păh lơ̆m rim tơdrong jang vei lăng sơđơ̆ng teh đak, sơđơ̆ng dơ̆ng kơjăp, khoa hŏk kmăi kmŏk, pơtho pơhrăm, joh ayŏ păng kon pơlei yak năm ngôi dih băl gô hơnơ̆ng atŏk kơtang hloh dơ̆ng lơ̆m khei năr au kơnh.