Tơ̆ jơ sơng, Kơdră chĕp pơgơ̆r Teh đak pơma hơdăh, Việt Nam lăng kơjăp pơtrŭt kơtang tơgoăt tơgoăl jang hơdoi hăm rim teh đak bôl boăl châu Phi, lơ̆m au đei teh đak Bờ Biển Ngà đei sơkơ̆t jĭ mĭnh lơ̆m dôm teh đak jang hơdoi gĭt kăl hloh.

Ƀar păh lui kơjăp tơdrong kĭ pơkăp păng tơlĕch jang kiơ̆ Hla bơar ƀlŏk hơdơ̆r jang hơdoi ƀar păh Kuô̆k hô̆i gô tơgop pơm kơtang hloh dơ̆ng tơgoăt tơgoăl păng jang hơdoi lơ tơdrong ƀar teh đak lơ̆m khei năr kơnh. Ƀar ‘nu Kơdră chĕp pơgơ̆r drơ̆ng mĭnh nơ̆r kăl atŏk kơtang hloh dơ̆ng jang hơdoi mơdro sa kiơ̆ trong kơjăp ‘lơ̆ng păng hơtŏ hơnơ̆ng pơjing đei rơvơn pơ̆ih să tĕch mơdro dih băl adoi nhen tơdrong tĕch mơdro lơ̆m tơring ASEAN păng châu Phi. Ƀar ‘nu kơdră chĕp pơgơ̆r jei sơkơ̆t hơdăh kăl tơlĕch jang hơdrol pơtrŭt kơtang păng pơ̆ih să jang hơdoi lơ̆m rim tơdrong choh jang sa, tơmơ̆t jên jang.