Tơ̆ jơ sơng, Ƀar ‘nu kơdră vang drơ̆ng mĭnh nơ̆r akhan, tơdrong ƀar teh đak vang pơgơ̆r tơbăt 50 sơnăm ‘măng năm tơmang đơ̆ng Kơdră chĕp pơgơ̆r Cuba Fidel Castro trŭh tơ̆ tơring Rơngei hiôk hian Tơring Pơbăh Việt Nam ‘noh vă tơbăt jơhngơ̆m đon yom kiơ̆ kơtang dôm mŭk drăm kơ yuơ Kơdră chĕp pơgơ̆r teh đak Hồ Chí Minh, Kơdră chĕp pơgơ̆r Fidel păng lơ kơdră chĕp pơgơ̆r, kon pơlei ƀar teh đak hlôi pơ sư̆ ăn tơdrong tơgoăt tơgoăl Việt Nam - Cuba.

Đảng, Teh đak Việt Nam păng Cuba gô hơnơ̆ng pơtho tơƀôh ăn jơhnơr mơlôh ƀar teh đak vă vei kơjăp tơdrong tơgoăt tơgoăl ‘nhŏng oh păng jang hơdoi gĭt kăl Việt Nam-Cuba. ‘Moi kiơ̆ tơgoăt tơgoăl ‘nhŏng oh gĭt kăl, Kơdră chĕp pơgơ̆r Teh đak Võ Văn Thưởng athei ƀar păh hơnơ̆ng iung jang hơdoi kơjăp vă atŏk kơtang tơgoăt tơgoăl jang hơdoi ‘moi kiơ̆ tơdrong tơlĕch jang kiơ̆ rim tơdrong drơ̆ng mĭnh nơ̆r, rim tơdrong pơkăp jang hơdoi, iung jang jơnei rim trong pơma dơnuh păng jang hơdoi kơ ƀar păh.