Kơdră chĕp pơgơ̆r teh đak Võ Văn Thưởng pơma tơbăt jơhngơ̆m đon găh dôm tơdrong iŏk đei lơ̆m jang hơdoi ƀar păh khei năr au ki hăm tơdrong lui kiơ̆ dih băl roi năr roi kơtang, pơjing hơyak pran ăn rim tơdrong jang hơdoi dih băl.

Lơ̆m tơdrong jang mŭk drăm, Kơdră chĕp pơgơ̆r Teh đak Võ Văn Thưởng akhan, Nhật Bản ‘nŏh teh đak jang hơdoi gĭt kăl hlŏh kơ Việt Nam. ‘Moi kiơ̆ dôm tơdrong iŏk đei jang hơdoi 50 sơnăm au ki, Kơdră chĕp pơgơ̆r Teh đak Võ Văn Thưởng athei ƀar teh đak hơnơ̆ng pơtrŭt kơtang tơdrong jang ăn khul kơdră kơpal năm ngôi dih băl, pơma dơnuh dih băl vă atŏk tơdrong tơgoăt tơgoăl dih băl lơ̆m khei năr au kơnh; hơnơ̆ng pơtrŭt kơtang jang hơdoi ƀar teh đak lơ̆m rim tơdrong jang mŭk drăm, mơdro sa, tơmơ̆t jên jang, pơtho pơhrăm, khoa hŏk kmăi kmŏk, jŏh ayŏ oei sa...