Sơng pơma dơnuh hăm Kơdră tang măt teh đak Ireland, Kơdră chĕp pơgơ̆r Teh đak Võ Văn Thường hmach chơt hơ iă ăn kơ yă Deirdre Ni Fhallúin đei pôk tơmơ̆t jang Kơdră tang măt teh đak tơ̆ Việt Nam; lui kơ yă Kơdră tang măt teh đak gô bơ̆ jang ‘lơ̆ng, keh kong tơdrong đei pơjao, tơgop kơtang lơ̆m tơgoăt tơgoăl ƀar păh teh đak. Kơdră chĕp pơgơ̆r teh đak lui akhan, lơ̆m jăl jang kơ yă Kơdră tang măt teh đak gô jing khei ‘năr jang kiơ̆ ‘lơ̆ng hơ iă hloh dơ̆ng dôm tơdrong hơpơi ‘meh vă lơ̆m tơgoăt tơgoăl jang hơdoi ƀar teh đak.

Sơng pơma dơnuh hăm Kơdră tang măt teh đak Italia, ƀok Marco Della Seta, Kơdră chĕp pơgơ̆r Teh đak Võ Văn Thưởng hmach chơt hơ iă kơ Ƀok kơdră tang măt teh đak iŏk jang tơdrong jang ‘nao tơ̆ Việt Nam. Lui akhan, hăm tơdrong joăt jang đunh đai tai sơnăm lơ̆m tơdrong jang tơbôl, Ƀok tang măt teh đak gô bơ̆ jang ‘lơ̆ng tơdrong jang kơdih tơ̆ Việt Nam. Kơdră chĕp pơgơ̆r teh đak akhan, tơdrong đei vă jang hơdoi ƀar teh đak oei lơ păng tơbăt, Việt Nam gô atŭm hăm Italia jang kiơ̆ keh kong rim nơ̆r pơkăp hlôi đei kĭ pơkăp. Kơdră chĕp pơgơ̆r Teh đak pơrô̆ athei rim hơnih bơ̆ jang kơ Việt Nam yak hơdoi păng tơgum djru vă Kơdră tang măt teh đak bơ̆ jang keh đang tơdrong jang đei pơjao.