Kơdră chĕp pơgơ̆r Teh đak Võ Văn Thưởng athei Kơdră chĕp pơgơ̆r dêh char Fukuoka Hattori Seitaro pơtrŭt kơtang rim tơdrong năm ngôi dih băl kơ kon pơlei Việt Nam-Nhật Bản pơma atŭm păng ƀar păh Hà Nội hăm dêh char Fukuoka pơma hơdrô̆, mă kăl rim tơdrong jang tơmang pơhiơ̆ khei năr pơdơ̆h hŏk kơ hŏk tro Nhật Bản năm tơ̆ Việt Nam păng hŏk tro, hơdruh tơdăm Việt Nam năm tơmang Nhật Bản, đơ̆ng noh tơgop tơ iung pơjing kơjăp tơdrong tơgoăt tơgoăl ƀar teh đak lơ̆m hơnô̆ hơnăp kơnh.

‘Ngoăih kơ ‘noh, ƀar păh kăl tơgŭm djru rim hơnih mơdro sa kơ Nhật Bản păng hơnih mơdro sa Fukuoka hơnơ̆ng atŏk kơtang tơmơ̆t jên jang lơm Việt Nam, iung jang hơdoi hăm rim hơnih mơdro sa Việt Nam atŏk tơ iung tơmơ̆t jên jang, jang hơdoi lơ̆m rim tơdrong mă ƀar păh đei. Dêh char Fukuoka hăm rim tơring anai iung jang hơdoi hăm Việt Nam pơtho pơjing khul bơ̆ jang hơgei ... Kơdră chĕp pơgơ̆r dêh char Fukuoka pơma tơbăt jơhngơ̆m đon ‘meh vă hơnơ̆ng pơtrŭt kơtang rim tơdrong jang hơdoi, năm ngôi dih băl lơ̆m lơ tơdrong jang phara dih băl ƀar păh Fukuoka hăm Hà Nội păng ‘meh vă sơng iŏk đei tơdrong tơgŭm djru đơ̆ng Kơdră chĕp pơgơ̆r Teh đak Võ Văn Thưởng.