Kơdră chĕp pơgơ̆r Teh đak Võ Văn Thưởng vang năm Hop akŏm Kơdră kơpal jang hơdoi apŭng plĕnh teh “Tơring teh păng Trong glung” ‘măng mă pêng tơ̆ Trung Quốc
Thứ ba, 10:40, 17/10/2023
VOV/Amazưt tơblơ̆
VOV/Amazưt tơblơ̆
VOV4.Bahnar - Sơng iŏk nơ̆r krao hơvơn đơ̆ng Tổng Bí thư Hơnih chĕp pơgơ̆r Trung ương Đảng Cộng sản Trung Quốc, Kơdră chĕp pơgơ̆r Teh đak Cộng hoà Nhân dân Trung Hoa Tập Cận Bình, pơgê au, năr 17/10, Kơdră chĕp pơgơ̆r teh đak Võ Văn Thưởng chĕp kơ̆l Khul kơdră tang măt teh đak Việt Nam iung năm tơ̆ Băk Kinh, vang Hop akŏm kơdră kơpal jang hơdoi apŭng plĕnh teh “Tơring teh păng Trong glung”’măng mă pêng đơ̆ng năr 17 truh năr 20/10.
‘Nau ‘măng năm bơ̆ jang mă blŭng đơ̆ng Kơdră chĕp pơgơ̆r Teh đak Võ Văn Thưởng truh tơ̆ Trung Quốc jô̆ đơ̆ng mă đơ̆ng rŏng Việt Nam pơgơ̆r jơnei Pơm lêh Hop akŏm Đảng ‘măng mă XIII păng Trung Quốc pơgơ̆r jơnei Pơm lêh Hop akŏm Đảng ‘măng mă XX.
Sơnăm 2023 jei jing sơnăm tơbăt 15 sơnăm tơgoăt tơgoăl Jang hơdoi git kăl tôm tong Việt Nam-Trung Quốc păng tơbăt 10 sơnăm pơjing păng atŏk tơ iung Trong tơchăr Tơring teh păng Trong glung. ‘Măng năm bơ̆ jang au đơ̆ng Kơdră chĕp pơgơ̆r Teh đak Võ Văn Thưởng jĭ tôch gĭt kăl, tơbăt hơdăh tơdrong lăng ba kơjăp đơ̆ng Đảng, Teh đak bơ̆n lơ̆m tơdrong atŏk tơ iung tơgoăt tơgoăl hăm Trung Quốc.
Viết bình luận