Hop akŏm đei pơgơ̆r kiơ̆ trư̆k tuyên, hơnih pơgơ̆r tơm tơ̆ pơlei tơm Đà Nẵng păng vă jê̆ 800 hơnih pơdăh tơ̆ rim tơring. Iung pơma tơ̆ hop akŏm, hôn bơnê kơtang Hơnih xek tơlang tơm păng Hơnih jang xek tơlang hơdrin đĭ ai jang kiơ̆ ‘lơ̆ng tơdrong jang đei pơjao, Kơdră chĕp pơgơ̆r Teh đak thei, hơnih kăl atŏk kơtang bơ̆ jang ‘lơ̆ng hloh dơ̆ng tơƀôh hơdăh rơhăo dôm hla bơar xek tơlang, tơdrong tơchơ̆t đơ̆ng hơnih xek tơlang vă Kon pơlei păng rim hơnih bơ jang ƀơm truh lăng hơlen tơdrong jang kơ hơnih xek tơlang, atŏk kơtang jơhngơ̆m đon lui kiơ̆ kơ jăp đơ̆ng kon pơlei lơ̆m khôi luơ̆t păng hơtŏ hơnơ̆ng tơpôl.

Sơnăm 2023, tơdrong bơ̆ jang xek tơlang hlôi hơtŏk ‘lơ̆ng hơ iă, sơđơ̆ng ‘lơ̆ng ăn tơdrong pơm tơm, tơdrong đei iŏk jơnei trŏ lăp kơ Teh đak, hơnih jang păng kon pơlei, tơgop vei kơjăp sơđơ̆ng chinh trĭ, sơđơ̆ng tơpôl, tơgop kơtang lơ̆m tơdrong jang tơ iung pơjing păng vei lăng Teh đak.