Tơmam hơpăh chih kơtơ̆ng ang Teh đak ‘măng mă XVII đei 1.894 ƀai chih vang pơlong. Lơ̆m 157 ƀai chih đei hơlen hơtuch, Khul hơlen hlôi rơ̆ih đei 8 tơmam hơpăh A, 24 hơpăh B, 46 tơmam hơpăh C, 45 tơmam hơpăh pơchhơp jơhngơ̆m. Rim ƀai vang pơlong chih tơbăt găh dôm tơdrong tih nhen chĭnh trĭ, mŭk drăm, joh ayŏ, tơpôl, vei lăng teh đak, sơđơ̆ng tơpôl păng rim tơdrong anai nhen tơdrong oei sa, tơbăt dôm tơdrong pơgơ̆r kăl kơ teh đak lơ̆m sơnăm 2022.

Kơdră chĕp pơgơ̆r Teh đak Võ Văn Thưởng iung pơma păng pôk ăn tơmam hơpăh tơ̆ Pơm lêh pôk ăn tơmam hơpăh Chih kơtơ̆ng ang Teh đak ‘măng mă XVII

Iung pơma tơ̆ pơm lêh, Kơdră chĕp pơgơ̆r Teh đak Võ Văn Thưởng lui akhan, khul chih kơtơ̆ng ang gô jang keh đang ‘lơ̆ng hơnăp jang, jing khul jang tơm dơnơm lơ̆m tơdrong pơtruh kơtơ̆ng ang - tơdrong oei sa kơ Đảng, tơgăl hăm tơdrong lui kơ jăp, tơdrong hơmŏ kơtang đơ̆ng Đảng, Teh đak păng kon pơlei, tơgăl hăm hơnih dơ̆ng kơ mĭnh khul jang kơtơ̆ng ang vă jê̆ ƀlep 100 sơnăm.