Jĭ Kơdră chĕp pơgơ̆r teh đak mă blŭng kơ APEC iung pơma tơ̆ jơ pơma dơnuh, Kơdră chĕp pơgơ̆r teh đak Võ Văn Thưởng pơma hơdăh tơdrong tơplih tŏ ‘mi kial ‘nŏh tơdrong kăl hloh lơ̆m plei teh, ăn kơrŭn đi anai, hơnăp jang kơtang chinh trĭ adoi nhen tơdrong tơgoăt tơgoăl đơ̆ng rim teh đak.

Kơdră chĕp pơgơ̆r Teh đak tơbăt hơdăh trong jang kơ Việt Nam lăng iung tơ jră tang găn tơplih tŏ ‘mi kial ‘noh trong jang kăl hloh kơ atŏk tơ iung teh đak păng pơkăp gô jang kiơ̆ pă đei tơlĕch ‘nhul lơ̆m sơnăm 2050, pơm tơjur tơlĕch mê-tan, vei lăng bri păng tơplih iŏk yua ŭnh hơyuh. Kơdră chĕp pơgơ̆r Teh đak athei rim teh đak APEC păng rim teh đak jang hơdoi pơtrŭt kơtang tơdrong jang hơdoi găh iŏk yua ŭnh hơyuh ‘lơ̆ng hơ iă ăn rim hơnih jang kmăi kmŏk pơm tơlĕch tơmam drăm; tơ iung pơjing choh jang sa rơgoh ‘lơ̆ng păng hơmet ming cham char; pơm sơđơ̆ng hơrih sa jang sa tơpôl păng tơplih hơtŏ hơnơ̆ng.