Kơdră dêh char Đăk Lăk pơkăl hơtŏk tenh tơdrong ming man măng năr tơ̆ dôm anih ming man tơm dơnơm
Thứ năm, 14:44, 06/06/2024
Lan chih tơblơ̆
Lan chih tơblơ̆
VOV4.Bahnar – Hăt hot drŭt tenh tơdrong asong jên jang ăn teh đak, pơm jang đei jơnei tơnăp dôm tơdrong jang dơnơm vă sơng hơ-iă tơbăt 120 sơnăm tơ-iung pơjing dêh char”, âu jing tơdrong pơkăp đơ̆ng Kơdră Anih jang vei lăng kon pơlei dêh char Đăk Lăk ah tơdrong hop akŏm pơgơ̆r ‘năr brei năr 5/6.
Jô̆ truh hơtuch khei 5/2024, dêh char Đăk Lăk hlôi asong jên pơkăp jang đei hloh 1.080 tih hlj, đei 25% pơkăp jang. Tơdrong asong jên jang ƀôh tŏk hloh pơtêng hăm khei năr âu sơnăm hơdrol, mă lei tơdrong pơyua oei kơđeh. Pơma ah hop akŏm, ƀok Phạm Ngọc Nghị, Kơdră Anih jang vei lăng kon pơlei dêh char Đăk Lăk, rim anih jang, rim tơring hơtŏk hơlen, ƀôh băt păng sek tơlang tơtom dôm tơdrong tơnap tap, tơhlăk tơhlĭn hăm rim tơdrong ming man.
Atŭm hăm noh, rim anih iŏk ming man athei kơchăng jang hadoi kơjăp, drơ̆ng minh lơ̆m tơdrong hrŭ ‘mong iŏk teh tơmăn, keh đang hô sơ, pơm jang dôm tơdrong ming man dơnơm kơ teh đak păng tơdrong jang sơng hơ-iă tơbăt 120 sơnăm Năr tơ-iung pơjing dêh char ah khei 11 âu kơnh.
Viết bình luận