Năm lăng Trung tá Trương Công Cường, Kơ iĕng Kơdră Khul hăm Thiếu tá Nguyễn Văn Hưng, kang ƀô̆ găh Hơnih Kanh sat dăr lăng yoch ma tuý kơ Kŏng ang dêh char Gia Lai rơka lơ̆m ‘măng iung jang, Kơdră chep pơgơ̆r Đảng dêh char, Hơnih vei lăng kon pơlei dêh char Gia Lai hôn bơnê kơ 2 ‘nu kang ƀô̆, kŏng ang hlôi nuih mơng iung tơjră tơchă rôp dôm bơngai pơm glăi. Tơdrong mă au jei tơƀôh hơdăh dôm tơdrong hơmơt tơt mă khul kŏng ang rim năr tơjră muh măt mưh năm bơ̆ jang vei lăng sơđơ̆ng tơpôl, sơđơ̆ng dơ̆ng kơjăp ăn kon pơlei pơla. Hơnih Đảng dêh char, Hơnih vei lăng kon pơlei dêh char athei Khul kơdră Kŏng ang dêh char Gia Lai tơtom lăng ba, jang kiơ̆ ‘lơ̆ng tơdrong tơchơ̆t tơgŭm djru rim kang ƀô̆ kŏng ang vă tơtom hơlêm jơhngơ̆m đon. Dang ei, jơhngơ̆m jăn kơ Trung tá Trương Công Cường hăm Thiếu tá Nguyễn Văn Hưng hlôi đĭ sơđơ̆ng păng tŏk bŏk ming hơmet tơ̆ hnam pơgang Hoàng Anh Gia Lai.