Kơdră dơnơm khul linh Quân khu 5 hmach bơnê kơ Khul linh duk juăt jang tơ̆ pơlei tơm Đà Nẵng keh đang sơnong jang lơ̆m dôm năr têt
Thứ bảy, 07:41, 17/02/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Pơgê năr 16/2, Trung tướng Thái Đại Ngọc, Kơdră dơnơm Khul linh Quân khu 5 hlôi truh hơpong, thơ thâu hmach bơnê hăm kan ƀô̆, Khul linh duk juăt jang tơ̆ pơlei tơm Đà Nẵng hlôi keh đang tơnăp sơnong jang hơlen tơjră kơnê̆ lơ̆m dôm năr Têt Giáp Thìn.
Đơ̆ng năr 15/1 truh năr 16/2/2024, duk ĐNa-91222.TS kơ Khul linh duk juăt jang tơ̆ pơlei tơm Đà Nẵng năm iŏk sơnong jang hơlen Têt; vă tơgŭm rah ăn duk rôp jang rôp ka hơdang kơ kon pơlei tơ̆ đak dơsĭ, jang hadoi rah hăm khul linh chă hơlen, vei sơđơ̆ng tơring đak dơsĭ. Jơnŭm pơgơ̆r, Kơdră pơgơ̆r duk hlôi pơgơ̆r sơng Têt pơchơt tơ̆ duk sơđơ̆ng.
Trung tướng Thái Đại Ngọc hmach bơnê kơ tơdrong găn hloh tơnap tap lơ̆m khei năr kial phŭt rơnglă đak poh yă kơtang hlôi keh đang tơnăp sơnong jang hơlen đak dơsĭ lơ̆m dôm năr Têt; jang atŭm kơjăp hăm dôm tong duk Tơring 3 Khul linh duk tơpuh lĕch duk teh đak đe mơ̆t rôp ka hơdang tơ̆ tơring đak dơsĭ Việt Nam.
Viết bình luận