Ƀok Kơdră teh đak Fiji bơnê kơ Việt Nam găh tơdrong đei jơnei tơgăl kơ pôk bơnê lơ̆m tơdrong tơjră hăm pơrang jĭ Covid-19 păng tơdrong hơmet tenh păng hơtŏk mŭk drăm kăp gĭt dang ei. Fiji hơpơi 'meh jang hadoi păng hŏk ƀoi dôm tơdrong hlôh vao đơ̆ng Việt Nam lơ̆m dôm tơdrong mă Việt Nam pran 'nao roi tơ̆ kơpal hei păng Fiji tŏk bŏk oei axong jang dang ei lơ̆m tơdrong jang hadoi apŭng plenh teh. Kơdră jang tang măt hơpơi 'meh 2 păh dăh hrôih đei dôm hla bar tơchơ̆t khôi luơ̆t, pơjing tơdrong jang hadoi đei jơnei kơ 2 teh đak lơ̆m tơdrong jang tĕch pơdro, axong jang, jên hu, adoi nhen tơrĕk truh tơdrong vih vơ̆t kơ kon pơlei 2 teh đak. Kơdră jang tang măt adoi pơkăl Fiji pơm trong hiôk ăn bơngai Việt erih pơm jang tơ̆ Fiji adoi nhen dôm anih jang mŭk drăm Việt Nam tŏk bŏk oei pơm jang tơ̆ teh đak âu.