Kơdră jang tơbôl Bùi Thanh Sơn akhan, ‘măng năm hơpong jĭ tơdrong tôch ‘lơ̆ng tơƀôh hơdăh tơdrong pơvei păng jang hơdoi ‘lơ̆ng hơiă đơ̆ng Việt Nam păng Bỉ, jĭ khei ‘năr tơbăt tôch gĭt kăl lơ̆m tơdrong pơvei đơ̆ng 2 tĕh đak. 2 păh drơ̆ng nơ̆r vă pơjing tơdrong hiôk hian ăn tơdrong yak vih vât mât lĕch đơ̆ng kon pơlei 2 tĕh đak vă tưk tơiung tơdrong pơvei ăn kon pơlei kŭm nhen jang hơdoi găh mŭk drăm, tĕch mơdro păng tơmât jên jang;

Hơnơ̆ng jang hơdoi đei yoa tơ̆ rim khul grŭp lơ pang păng lơ̆m apŭng plenh tĕh, kăl loi 2 tĕh đak athei jang hơdoi mă kơjăp lơ̆m Anih vei lăng tơdrong pơm tơm kơ kon bơngai đơ̆ng 2023-2025 vang tơgop ăn tơdrong atŭm, kiơ̆ trong hơtŏk tơdrong đei yoa, rơđăh rơđong, trŏ ƀlep, hơtŏ băl găh jơhngâm đon mưh pơma nuh, jang hơdoi păng năng kăl băl.