Pơma tơ̆ jơ bơ̆ jang, Ƀok Kơdră Bùi Thanh Sơn pơma hơdăh, mă đơ̆ng pŭ lơ tơdrong ưh ‘lơ̆ng đơ̆ng jĭ hơbuh mă lei đơ̆ng rŏng kơ Tơdrong tơchơ̆t tĕch mơdro hiôk hian Việt Nam-EU (EVFTA) đei iŏk yoa, tơdrong jang tŏk găh tĕch mơdro xa đơ̆ng Việt Nam păng Czech tôch ‘lơ̆ng, rim sơnăm tŏk hlŏh 15%, tơdrong pơvei đơ̆ng 2 tĕh đak đei pơih xă găh lơ tơdrong.

Tĕh đak Việt Nam ling lang năng tơ pôl bơngai Việt tơ̆ tĕh đak jĭ khul bơngai ưh đei tơpleh đơ̆ng hơdrĕch hơdrĕch, kiơ̆ đơ̆ng nŏh đei lơ trong jang lăp ‘lơ̆ng găh jŏh ayŏ kơdŏ xoang hăm bơngai Việt tơ̆ tĕh đak đe; Đảng păng tĕh đak hlôi, tŏk bŏk păng vă hơnơ̆ng tơrĕk truh, tơgŭm, adrin jang rim tơdrong hăm dôm tĕh đak vă gơ̆h tơrĕk ‘lơ̆ng ƀiơ̆ truh tơ̆ kon pơlei bơ̆n oei xa tơ̆ rim tĕh đak.