Kơdră Jơnŭm pơgơ̆r jang Trung ương Trương Thị Mai pơgơ̆r hop akŏm hăm dôm jơnŭm jang Đảng, anih jang tơpôl tơ̆ Trung ương
Thứ sáu, 08:42, 05/01/2024
VOV/Lan chih tơblơ̆
VOV/Lan chih tơblơ̆
VOV4.Bahnar – Pơgê ‘năr brei (4/1), tơ̆ Anih jang Trung ương Đảng, pơgơ̆r hop akŏm hăm dôm jơnŭm jang Đảng, 4 anih jang, dôm anih jang đảng, anih jang tơpôl tơ̆ Trung ương, yă Trương Thị Mai, jang lơ̆m Anih tơm Chĭn trĭ, juăt jang lơ̆m Ƀan ƀĭ thư, kơdră Anih pơgơ̆r jang Trung ương pơkăl: Hơdrin keh đang tơnăp dôm tơchơ̆t, sơnong jang sơnăm 2024 đơ̆ng blŭng khei, blŭng jăl, blŭng sơnăm, tơgop kăp gĭt lơ̆m tơdrong keh đang dôm tơchơ̆t, sơnong jang Hop akŏm 13 kơ Đảng.
Dôm nơ̆r tơgop ah hop akŏm sơkơ̆t: Sơnăm 2023 mă oei lơ tơnap tap, mă lei tôm Đảng, tôm kon pơlei păng tôm anih linh hơnơ̆ng tơguăt, drơ̆ng minh, sơkơ̆t trŏ ƀlep, gơh hơgei, tơtom vă pơm jang kiơ̆ tơchơ̆t tơlĕch, sơnong Tơchơ̆t hop akŏm 13 kơ Đảng; hơtŏk pran tơdrong hơmet pơ-‘lơ̆ng đảng, tang găn păng tơjră xa pơjĭp, kơnê̆; hơtŏk mŭk drăm tơpôl.
Kơdră anih jang Ƀan ƀĭ thư Trương Thị Mai pơkăl, lơ̆m jăl 1 sơnăm 2024 dôm anih jang Đảng, 4 anih jang, dôm anih jang đảng, anih jang tơpôl tơ̆ Trung ương tơlĕch tơdrong pơm kiơ̆ Tơchơ̆t Trung ương 8 jăl 13, Tơchơ̆t đơ̆ng Ƀan ƀĭ thư gah tơdrong pơgơ̆r Têt Giáp Thìn 2024.
Viết bình luận