Kơdră Jơnŭm vei lăng hơdrĕch kon kôn kơ Kuôk hô̆i Y Thanh Hà Niê Kdăm vang truh ‘măng hop akŏm Jơnŭm pơgơ̆r kon pơlei Gia Lai
Thứ năm, 10:46, 07/12/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê 6/12, ƀok Y Thanh Hà Niê Kdăm-bơngai jang lơ̆m Anih chĕp kơ̆l pơgơ̆r Trung ương Đảng, Kơdră Jơnŭm vei lăng Hơdrĕch kon kông kơ Kuôk hô̆i hlôi vang truh pơgơ̆r pơih blŭng ‘măng hop akŏm mă XV, Jơnŭm pơgơ̆r kon pơlei dêh char Gia Lai jăl XII.
Kiơ̆ kơ hơlen lăng tơ̆ ‘măng hop akŏm, mă đơ̆ng oei lơ mơmat tat, mă lei hăm tơdrong hơdrin đơ̆ng pơđĭ khŭl jang chĭnh trĭ, dêh char Gia Lai oei pơvei đei tơdrong sơđơ̆ng. 14/21 tơdrong hơgăt mŭk drăm - tơpôl iŏk đei păng yak hloh pơting hăm trong tơlĕch jang tơlĕch ăn.
‘Măng hop akŏm âu, Jơnŭm pơgơ̆r kon pơlei dêh char Gia Lai gô set hơlen dôm hla ar chih tơroi tơbăt bơ̆jang kiơ̆ hơnăp jang sơnăm 2023 păng trong jang sơnăm 2024 đơ̆ng khŭl chĕp kơ̆l Jơnŭm pơgơ̆r kon pơlei dêh char, anih vei lăng kon pơlei dêh char. Mă loi ‘noh, ‘măng hop akŏm gô pơgơ̆r iŏk kơ phiê̆u lui hăm bơngai pơm kơ chư̆k jang đei Jơnŭm pơgơ̆r kon pơlei dêh char pôk; pơgơ̆r apĭnh jet păng tơl nơ̆r apĭnh jet kiơ̆ tơdrong hơgăt.
Viết bình luận