Pơma hơdăh “Drơ̆ng lăp 5 điêm” đơ̆ng ASEAN hơnơ̆ng jing tơdrong gĭt kăl ăn hơdrin tơchă trong jang rơngei păng kơjăp, Kơdră Khŭl tang măt ăn Việt Nam ‘meh vă Liên hợp quốc păng kơdih kâu yă Julie Bishop gô jang hơdai kơjăp, đei yua hăm ASEAN păng Bơngai tang măt ăn Kơdră ASEAN găh Myanmar kiơ̆ lơ̆m tơdrong kăl pơyom pơm tơm kơdih hơgăt teh, ưh kơ pơgăn lơ̆m tơdrong jang tơdoă, lăp hăm đon hơdrin păng ‘meh vă đơ̆ng kon pơlei Myanmar.

Yă Julie Bishop pơma hơdăh gô hơdrin đĭ jơhngơ̆m lơ̆m hơnăp jang Bơngai tang măt kơ Tổng Thư ký Liên hợp quốc vă tơgop hơnhăk ăn rơngei păng sơđơ̆ng ăn Myanmar; pơma hơdăh Liên hợp quốc tơgŭm hơnăp jang chông ba đơ̆ng ASEAN lơ̆m tơdrong jang ‘nâu.