Pơma ah Hop akŏm, Kơdră Kuôk hô̆i Vương Đình Huệ sơkơ̆t, tơbôl Việt Nam –Iran roi năr roi hơtŏk 'lơ̆ng hơ-iă tơbang hơdah kiơ̆ 3 tơdrong: tơgĭt dih băl; hơtŏk tơ-iung lơ tơdrong đơ̆ng chĭn trĭ, jang tơbôl truh jang mŭk drăm, tĕch pơdro, joh ayŏ hŏk pơhrăm; 2 păh atŭm jang hadoi kăp gĭt, tơgŭm dih băl lơ̆m lơ tơdrong jang.

Kơdră Kuôk hô̆i pơkăl, 2 pah athei hơtŏk pran khul jang gah tĕch pơdro, âu to. Kơdră kuôk hô̆i lui ngeh, dôm tơdrong tơnap tap tơ̆ anăp păng hăm dôm tơdrong jang đunh đai ăn tơdrong jang hadoi mŭk drăm, 2 teh đak gô brư̆ brư̆ sek tơlang keh kong dôm tơhlak tơhlĭn, tơgop hơtŏk tenh mŭk drăm, tơpôl, tơgop lơ̆m tơdrong đei jơnei atŭm kơ 2 teh đak.