Tơ̆ jơ bơ̆jang, Kơdră Kuôk hô̆i Vương Đình Huệ lăng ‘lơ̆ng jơnei hlôi iŏk đei lơ̆m đĭ đăng dôm tơdrong, hơtŏk tơiung mŭk drăm - tơpôl, sơđơ̆ng tơdrong arih sa, tơjur dơnuh hin, hơtŏk tơiung tơring tơrang, lăng kăl iŏk kon bơngai ‘noh tơm; tơdrong jang pơjing đảng, dôm tơdrong jang đơ̆ng Jơnŭm pơgơ̆r kon pơlei ‘noh jĭ hơnih hơdăh.

Drơ̆ng nơ̆r hăm dôm trong jang tih hơtŏk tơiung truh sơnăm 2023, lăng truh sơnăm 2025, dôm tơdrong tơm, hơnăp jang păng trong jang tơm mă Đảng bộ dêh char hlôi băt hơdăh ăn sơnăm 2024, Kơdră Kuôk hô̆i Vương Đình Huệ tơƀôh ăn dêh char Bà Rịa-Vũng Tàu mĭnh ƀar tơdrong nhen Proh hơmet dêh char hlôi đei kĭ ăn jăl jang 2021-2030, lăng truh sơnăm 2050 hăm dôm tơdrong tơm hơdăh nhen jăl jang 2025-2030, akŏm 4 tơdrong jang tơm mŭk drăm ‘noh đei: Kơmăy kơmŏk, tơnŏk đak dơsĭ păng logistics, tơmang lăng păng anih kơdrơ̆m, pơvih pơvăn.