Vang akŏm jơ sơng Kơdră Kuôk hô̆i Bulgaria tơ̆ Đại học Quốc gia Hà Nội đei Phŏ Kơdră Kuôk hô̆i, Kơdră Anih jang tơbôl Kuôk hô̆i, Phŏ vei lăng Anih jang Tơbôl. Tơ̆ jơ sơng, Kơdră vei lăng Hnam trưng Đại học Quốc gia Hà Nội Lê Quân tơƀôh đon chơt hơiă ƀơ̆t đei sơng Kơdră Kuôk hô̆i teh đak Cộng hoà Bulgaria kŭm hăm khŭl tang măt gĭt kăl hlôi truh năm păng tơƀơ̆p pơma dơnuh hăm thây kô pơtho, sinh viên hnam trưng.

Hăm tơdrong joăt joe jang hơdai ‘lơ̆ng hơiă đơ̆ng 2 teh đak, Kơdră vei lăng hnam trưng Lê Quân lui ngeh Hnam trưng Đại học Quốc gia Hà Nội păng dôm hnam trưng đại học kơ teh đak Cộng hòa Bulgaria gô đei tơdrong hiôk pơma dơnuh, jang hơdai jrŭ să hloh dơ̆ng lơ̆m tơdrong jang pơtho pơhrăm, tơchĕng hơlen khoa hŏk, ‘nâu kŭm jing tơdrong ‘lơ̆ng hloh ăn tơdrong pơvei jang hơdai kơjăp đơ̆ng 2 teh đak. Kơdră Kuôk hô̆i Bulgaria gơih nơ̆r kơkuh truh khŭl kơdră chĕp kơ̆l kŭm hăm Đại học Quốc gia Hà Nội păng pơma dơnuh tơdrong jang “ Tơdrong pơvei 2 pang đơ̆ng Bulgaria păng Việt Nam ‘moi kiơ̆ lăng đơ̆ng dôm jơhnơr mŭk drăm păng joh ayŏ”.