Truh tơmang anih gru gra kơ hnưr hơrih kăp gĭt kơ teh đak Đôi bờ Hiền Lương - Bến Hải, Kơdră Kuôk hô̆i teh đak  Cuba atŭm hăm Khul kơpal kơ teh đak Cuba hlôi pơma đam hăm đe kăn ƀô̆, kon pơlei tơ̆ tơring, tơƀang lăng Hla kơ Việt Nam oei tơpăr tơ̆ anih ƀlŏk tơbăt Hiền Lương.

Pơma dơnuh hăm đe mon hŏk tro tơ̆ anih ƀlŏk tơbăt Hiền Lương, Kơdră Kuôk hô̆i teh đak Cuba atŭm hăm Khul Kơpal kơ teh đak Cuba hlôi vih tơbăt gah ‘măng năm tơmang đơ̆ng Ƀok Kơdră teh đak Cuba Fidel Castro truh tơring teh Quảng Trị, năm tơmang lơ tơring teh âu adoi oei hram ‘mrâ̆m phao ngoi đôh. Kơdră Kuôk hô̆i teh đak Cuba adoi tơbang đon vơch kơ po gah ‘măng năm tơmang Quảng Trị mă âu chih tơbăt lơ̆m kơsâ̆p hla bar tơbăt tơ̆ Anih Ƀlŏk tơbăt Gru gra kơ hnưr hơrih kăp gĭt kơ teh đak Đôi bờ Hiền Lương- Bến Hải.