Anih jang Mŭk drăm Nhơn Hội đei sơkơ̆t jing tơring jang mŭk drăm lơ tơdrong jang, hăm tơdrong tơm hơtŏk tơ-iung tơmang pơhiơ̆, tĕch pơdro, tơring kơdrơ̆n, jang kŏng ngĭp, dơnŏk duk dơsĭ, unh hơyuh păng ka hơdang; jing tơdrong hơtŏk tơ-iung tơguăt kơjăp păng tôm tơdrong hăm tơdrong hơtŏk tơ-iung atŭm kơ pơlei tơm Quy Nhơn păng tơring tơjê̆; anih tơm jang khua hŏk păng kŏng ngê̆, tơplih ‘nao gơh hơgei, anih iŏk yua kơ̆l ‘ngok hơgei kăp gĭt kơ Việt Nam; anih tơm tơmang pơhiơ̆ tih kơ Việt Nam.

Tơ̆ jơ lêh, Kơdră Kuôk hô̆i Vương Đình Huệ atŭm hăm khul pơm jang, đe kơdră kơpal dêh char Bình Định pơm kiơ̆ khôi et hơtŏk Anih kŏng ngĭp, tơring kơdrơ̆n păng tĕch pơdro Becamex VSIP Bình Định (Jăl 1) tơ̆ xah Canh Vinh, apŭng Vân Canh, dêh char Bình Định; bơ̆ng pang lêh kĭ pơkăp jang hadoi đơ̆ng Becamex VSIP Bình Định păng dôm anih asong jang hăm kơsô̆ jên đei kơjă 49 trĭu đôlar.