Pơma ah lêh tơbăt, Kơdră Kuôk hô̆i pơkăl, Hŏk viê̆n Tai chĭn hơnơ̆ng tơplih ‘nao vei lăng đăi hŏk tơguăt hăm kơdih jang tơnăp sơnong jang tơpôl, athei jing minh lơ̆m dôm anih yuk hơlâu, pơm kiơ̆ tơchơ̆t pơtho đăi hŏk tơnăp hloh, mă kăl kơdih asong gah jên hu.

Pơkăp hơdah, "Bơngai hơgei jing tơm dơnơm kơ teh đak", bơngai jang noh kăp gĭt hloh, tơchơ̆t truh tơdrong hơtŏk tơ-iung kơ hnam trưng, Kơdră Kuôk hô̆i pơkăl Hŏk viê̆n Tai chĭn đei trong hơtŏk tơ-iung kiơ̆ juăt jue ‘lơ̆ng rŏ, pơjing Hŏk viê̆n jing minh lơ̆m dôm anih tơm kơ teh đak gah “akŏm bơngai hơgei, pơtho bơngai hơgei dơnưp, keh kong gah đon bơnôh, hlôh vao gah kơ̆l ‘ngok”. Ƀơ̆t ‘măng âu, tang măt ăn đe kơdră Đảng, Khul kơpal teh đak, Kơdră Kuôk hô̆i Vương Đình Huệ pôk ăn thâi pơtho păng bơngai hŏk tơ̆ Hŏk viê̆n Tai chĭn Mê đai Pơm jang tăl mă Mônh (‘măng mă  3).