Kơdră Kuôk hô̆i Vương Đình Huệ păng Khul Kơpal kŭp yom plang hlôt nhang ƀlŏk tơbăt kơ nhap Kơdră Kuôk hô̆i Nguyễn Hữu Thọ hăm tơdrong jang kăch mạng kơ Đảng, teh đak păng Kuôk hô̆i. Pơma dơnuh hơ-iă hăm ƀok Nguyễn Hữu Châu, kon hơmol kơ nhap Kơdră Kuôk hô̆i Nguyễn Hữu Thọ, Kơdră Kuôk hô̆i Vương Đình Huệ vih tơbăt dôm gru kơnăl kăp gĭt lơ̆m tơdrong hơrih păng pơm jang đơ̆ng nhap Kơdră Kuôk hô̆i Nguyễn Hữu Thọ.

Kơdră Kuôk hô̆i Vương Đình Huệ thơ thâu sơnăm ‘nao 'lơ̆ng hơ-iă hloh truh hăm unh hnam nhap Kơdră Kuôk hô̆i Nguyễn Hữu Thọ; hơpơi ‘meh unh hnam pơtoi tơdrong juăt jue, tơgop kăp gĭt ăn tơdrong tơ-iung pơjing păng vei lăng teh đak, tơrĕk vang tơgop nơ̆r ăn dôm tơdrong pơm jang kơ Kuôk hô̆i.