Đơ̆ng rŏng kơ mơ̆ng tơroi tơbăt tơdrong tơlĕch jang kiơ̆ Tơdrong tơchơ̆t kơsô̆ 59 đơ̆ng Kuôk hô̆i găh trong jang tơmơ̆t jên jang tơdrong jang ming man trong gre kơdâu hrĕnh Biên Hòa - Vũng Tàu jăl jang 1 păng tơdrong tơlĕch jang kiơ̆ 3 tơdrong vă jang, lơ̆m noh đei tơdrong jang 3 yua đơ̆ng Anih vei lăng kon pơlei dêh char Bà Rịa - Vũng Tàu jĭ anih jang tơm, Kơdră Kuôk hô̆i Vương Đình Huệ akhan, truh dang ei Bà Rịa - Vũng Tàu hlôi jang đang tơdrong jang iŏk teh, pơjao ăn vă tơlĕch jang tơdrong jang.

Kơdră Kuôk hô̆i tơƀôh đon hơmĕng, kiơ̆ lơ̆m jơhngơ̆m đon đơ̆ng dêh char Bà Rịa - Vũng Tàu hlôi tôch kơ hrĕnh, tôch kơ hơdrin, tơlĕch jang tôch kơ hrĕnh trong năm klĕch tơring păng hăm tơdrong jang hrĕnh thoi noh, tơdrong jang gô jang đang ưh khan lăp ƀlep tơdrong hơgăt mă oei yak hloh trong jang tơlĕch ăn.