Lăp đơ̆ng rŏng kơ truh tơ̆ Anih tơm Dhaka, Kơdră Kuôk hô̆i Vương Đình Huệ pơtơm dôm tơdrong jang lơ̆m ‘măng năm ngôi, lơ̆m noh, Ƀok Vương Đình Huệ pơma đam hăm Kơdră Kuôk hô̆i Bangladesh. 2 păh kĭ hla ar chih tơƀlŏk găh Jang hơdai đơ̆ng 2 Kuôk hô̆i.

Tơchĕng hơdrol, tơ̆ ‘măng năm ngôi âu, Kơdră Kuôk hô̆i kŭm gô vă pơma dơnuh hăm kơdră kơpal kơ teh đak Cộng hoà Kon pơlei Bangladesh; truh akŏm păng pơma tơ̆ Hop akŏm trong jang tơgŭm, khôi luơ̆t pơtrŭt jang hơdai mŭk drăm, mơdro sa păng tơmơ̆t jên jang 2 teh đak; dơ̆ng lăng Lêh kĭ drơ̆ng nơ̆r jang hơdai lơ̆m 1,2 tơdrong jang; sơng dôm anih mơdro sa, năm ngôi tơ̆ Anih jang tang măt, tơƀơ̆p tơpôl bơngai Việt tơ̆ Bangladesh.