Pơma ah jơ pơm jang, Kơdră Kuôk hô̆i Vương Đình Huệ ră hơdah, Chih akŏm Luơ̆t Kŏng gnĭp vei sơđơ̆ng tơpôl păng hơvơn jang kŏng ngĭp jing luơ̆t đei chih akŏm kăp gĭt, đei lơ tơchơ̆t jang kăp gĭt hloh vă hơtŏk tơdrong jang kŏng ngĭp vei sơđơ̆ng tơpôl, iŏk yua tơdrong pran mŭk drăm kơ teh đak.

Chih akŏm luơ̆t vă pơm hơdah trong tơchơ̆t jang đơ̆ng Trung ương gah tơchơ̆t ăn jang kŏng ngĭp vei sơđơ̆ng tơpôl. Kơdră Kuôk hô̆i Vương Đình Huệ hmach bơnê kơ anih chih akŏm păng hơlen sơkơ̆t hlôi hơdrin chih hơmet luơ̆t. Chih akŏm luơ̆t jing trong hiôk vă pơm trong ăn jang kŏng ngĭp vei sơđơ̆ng tơpôl hơtŏk tơ-iung, mă kăl noh lơ̆m khei năr apŭng plenh teh đei lơ tơdrong tơsŭl tơsăl nhen dang ei.