Iung pơma pơgơ̆r puih blŭng, Kơdră Kuôk hô̆i tơbăt ‘măng hop akŏm ‘măng âu set hơlen 5 tơdrong , lơ̆m noh đei tơgop nơ̆r lơ̆m hla ar chih ming Luơ̆t vei răk (hơmet tơplih ming), Luơ̆t hơmet tơplih ming, tơmơ̆t dơ̆ng 1,2 hơpăng đơ̆ng Luơ̆t Cảnh vệ; set hơlen roi tơbăt tơdrong jang kon pơlei athei đơ̆ng Kuôk hô̆i khei 1 păng 1,2 tơdrong gĭt kăl nai.

Găh Luơ̆t vei răk (hơmet tơplih ming), dôm bơngai tang măt lăng ‘lơ̆ng luơ̆t hlôi chih iŏk, hơmet ming tôch ai nơ̆r tơgop đơ̆ng dôm bơngai tang măt Kuôk hô̆i tơ̆ ‘măng hop akŏm mă 6. Kơdră Kuôk hô̆i athei, đơ̆ng dang ei truh ƀơ̆t pơtruh ăn Kuôk hô̆i set hơlen, pơdrơ̆ng kiơ̆ păng klĕp ding truh hơdrol kơ kĭ tơchơ̆t, kăl kơ hơnơ̆ng dăr hơlen vă vei sơđơ̆ng tơdrong hrơ̆ch 1 ‘măng đơ̆ng tơdrong jang khôi luơ̆t, pơtih gia nhen dôm tơdrong găh tơplih kơsô̆, vei răk kơsô̆, Khŭl kơdră teh đak kơsô̆, mŭk drăm kơsô̆, tơpôl kơsô̆; lăng hăm Luơ̆t Kơmăy kơmŏk kơtơ̆ng ang, Luơ̆t vei sơđơ̆ng mạng, Luơ̆t sơng iŏk kơtơ̆ng ang, Luơ̆t vei lăng tơdrong hrĕp teh đak, Luơ̆t joh ayŏ so.