Kơdră Kuôk hô̆i Vương Đình Huệ păng yă Megawati drơ̆ng nơ̆r tơ̆ hơnăp kơnh, dôm anih jang ƀơm truh đơ̆ng Việt Nam păng Indonesia kăl kơchăng tơlĕch dôm trong jang đei yua păng ‘lơ̆ng vă hơtŏk hloh dơ̆ng tơdrong pơvei jang hơdai đơ̆ng 2 teh đak lơ̆m đĭ đăng dôm tơdrong jang, dôm kênh, dôm kơdră, mă loi ‘noh jĭ kênh Đảng yua kơ ‘nâu jĭ tơdrong ‘lơ̆ng vă 2 teh đak hơnơ̆ng hơtŏk tơiung pơvei tơbôl, tơklep hơdai păng jang hơdai gĭt kăl.

2 păh drơ̆ng nơ̆r pơtrŭt jang hơdai đơ̆ng dôm anih jang tơchĕng hơlen, lý luận đơ̆ng 2 teh đak, mă loi ‘noh jĭ đơ̆ng Anih jang Lý luận đon tơchĕng Pancasila păng Anih jang tơchĕng hơlen păng pơcheh hơgei teh đak kơ Indonesia yua đơ̆ng yă Megawati pơm Kơdră hăm Jơnŭm jang Lý luận Trung ương, Anih jang Hàn lâm Khoa học Xã hội Việt Nam, Anih jang Hàn lâm Khoa học păng kơmăy kơmŏk. Ƀlep ƀơ̆t ‘măng âu, Kơdră Kuôk hô̆i Vương Đình Huệ pơtruh nơ̆r đơ̆ng Tổng Bí thư Nguyễn Phú Trọng păng dôm Kơdră chĕp kơ̆l kơpal Việt Nam hơvơn yă Megawati năm ngôi dơ̆ng tơ̆ Việt Nam. Yă Megawati chơt hơiă drơ̆ng nơ̆r hơvơn păng pơma hơdăh gô jăh năm ngôi tơ̆ Việt Nam.