Ah jơ pơma dơnuh, đe kơdră so sơ̆ kơ Kuôk hô̆i akhan, Kuôk hô̆i jăl 15 pơtoi kơ tơdrong tơplih ‘nao lơ̆m tôm tơdrong jang, hop akŏm Kuôk hô̆i, tơguăt hăm kon pơlei păng đei kon pơlei hmach bơnê. Rim anih jang kơ Kuôk hô̆i kơchăng jang hadoi tơnăp hăm Jơnŭm pơgơ̆r teh đak kơyuơ tơchơ̆t atŭm, trŏ ƀlep hăm tơdrong hơtŏk tơ-iung lơ̆m teh đak păng lơ̆m kơpal teh.

Ƀơ̆t hơmet sơng Têt Nguyên đan Giáp Thìn 2024, Kơdră Kuôk hô̆i Vương Đình Huệ thơ thâu hăm đe Kơdră so sơ̆ kơ Kuôk hô̆i, kơdră so jang lơ̆m Anih juăt jang kơ Kuôk hô̆i kiơ̆ dôm jăl jang atŭm hăm unh hnam, đei minh sơnăm ‘nao sơđơ̆ng ‘lơ̆ng, grăng pran păng jơnap; pơtoi tơgŭm, tơgop lơ nơ̆r pơma hloh dơ̆ng vă Kuôk hô̆i keh đang tơnăp sơnong jang hlôi đei Đảng păng Teh đak pơjao.