Pơma dơnuh tơ̆ apŭng Anh Sơn Kơdră Kuôk hô̆i ră hơdah, vei lăng năng tông unh hnam linh jĭ rơka, linh lôch tang, unh hnam bơngai tơgŭm jơhngơ̆m ăn teh đak jing tơdrong jang hơnơ̆ng vă tơƀôh đon bơnôh “Nhă đak chăm kơ tu”, “Ƀlŏk tơbăt pôk bơnê” đơ̆ng Đảng, Teh đak păng kon pơlei bơ̆n.

Lơ tơchơ̆t tơlĕch jang hlôi đei jơnei hơdah nhen: man hnam oei, pơm trong hiôk ăn rim unh hnam gơh tŏk iŏk jên jang, khăm hơmet jĭ, kon hơ-ioh năm hŏk pơhrăm hiôk hian hloh. Atŭm hăm tơdrong tơgŭm đơ̆ng Đảng păng Teh đak, Kơdră Kuôk hô̆i adoi akhan, rim tơring adoi kăl hơvơn tơdrong tơgŭm lơ̆m tơpôl vă vei lăng unh hnam tơgŭm jơhngơ̆m ăn kach mang, mă kăl lăng âu jing tơdrong jang hơnơ̆ng, mă hăt noh hăm dôm unh hnam đei tơdrong hơrih tơnap tap.