‘Măng apinh jet păng tơl nơ̆r gô đei pơgơ̆r lơ̆m 1 năr minh puơ̆t akŏm lơ̆m dôm tơdrong oei tơhlak tam mă jang keh lơ̆m tơdrong pơm kiơ̆ tơchơ̆t tơlĕch đơ̆ng Anih juăt jang kơpal kơ Kuôk hô̆i gah hơlen tơdrong jang păng tơl nơ̆r apinh jet đơ̆ng blŭng jăl jang kơ Kuôk hô̆i jăl 15 truh đĭ sơnăm 2023.

Tơ̆ ‘măng apinh jet tơl nơ̆r âu, Kơdră Kuôk hô̆i drơ̆ng nơ̆r, tơdrong pơgơ̆r gô ưh đei asong kiơ̆ jơ ‘năr ăn rim ƀô̆ trương, kơdră anih jang vă da ƀiơ̆ tơnap tap ăn bơngai tơl nơ̆r; hăm rim tơdrong jang, bơngai tang măt ăn Kuôk hô̆i gô pơtruh nơ̆r apinh gah dôm tơdrong jang mă kơdih po iŏk jang vă pơtrŏ hăm tơdrong tơchơ̆t, ưh đei pơtruh nơ̆r apinh hơdah; bơngai pơgơ̆r akŏm hơbĕch hơbal hloh; gah sơkơ̆t mă hơtuch luch ăn rim tơdrong jang athei bot kơđeh. Kơdră Kuôk hô̆i pơkăl Jơnŭm pơgơ̆r teh đak, rim anih jang dơnơm athei sơkơ̆t chih akŏm pơtruh ăn Anih juăt jang kơpal hloh kơ Kuôk hô̆i hơdrol kơ năr 16/8.