Tơ̆ jơ pơma đam, 2 pah hơtŏk tơdrong asong khul kơpal pơma đam; pơtoi tơroi păng jang kơjăp tơdrong tơgŭm dih băl lơ̆m hop akŏm lơ teh đak, mă kăl noh tơ̆ Liên hơp kuôk, Khul jang Ưh đei tơroh tơring teh, Yua nơ̆r Phalăng... Sơkơ̆t hơdah tơdrong jang hadoi kơ 2 teh đak gah asong jang, mŭk drăm, tĕch pơdro oei tŏ sĕt, Kơdră Kuôk hô̆i pơtruh nơ̆r, 2 pah hơtŏk tơroi tơbăt gah tơdrong tĕch răt tơmam drăm, trong jang hiôk pran kơ rim pah, mă kăl noh gah tơdrong choh jang xa.

Việt Nam kơchăng atŭm hăm Cameroon chơ chă tơdrong tơgŭm đơ̆ng teh đak mă 3 ăn dôm tơdrong tơlĕch jang hadoi hơtŏk choh jang xa 3 pang tơ̆ Cameroon. Ƀar pah tenh kuăng pơtoi pơma đam dôm Tơchơ̆t kăp gĭt nhen: hơvơn vei vêr tơdrong asong jang, tang găn iŏk thuê̆ 2 'măng... chih akŏm khôi luơ̆t ăn tơdrong jang hadoi 2 pah.