Tơ̆ jơ sơng, Kơdră Kuôk hô̆i ră hơdah, tơdrong jang tơbôl, jang hadoi kơ 2 teh đak lơ̆m dôm sơnăm kơ âu hơnơ̆ng hơtŏk kăp gĭt. Việt Nam hơnơ̆ng lăng tơgĭt păng hơpơi ‘meh tơdrong jang Tơbôl đơ̆ng Việt Nam -  Indonesia hơtŏk minh hơyak ‘nao.

Gah jang hadoi đơ̆ng dôm anih jang ngĭ viê̆n kơ 2 teh đak, Kơdră Kuôk hô̆i pơkăl, khei năr truh 2 pah hơtŏk tơroi dih băl tơdrong hlôh vao kơ 2 anih jang Chih akŏm khôi luơ̆t kơ 2 teh đak, mă kăl noh đơ̆ng rim Anih juăt jang kơ Kuôk hô̆i, rim khul Ngĭ sih tơbôl, rim drăkăn ngĭ sih păng ngĭ sih mơlôh. Phŏ Kơdră Thươ̆ng viê̆n Indonesia sơkơ̆t hơdah, Thươ̆ng viê̆n Indonesia hơpơi ‘meh iung jang tơbôl jang hadoi khei năr hơnô̆ hơnăp kơnh, tơroi gah tơdrong hlôh vao kơ ngĭ viê̆n 2 teh đak păng tơdrong tơbôl kon pơlei 2 teh đak.