Pơma ah jơ pơtơm, Kơdră Kuôk hô̆i Trần Thanh Mẫn bơnê kơ tơdrong jang đơ̆ng Hô̆i đŏng kon pơlei pơlei tơm Hải Phòng đơ̆ng blŭng jăl jang truh dang ei đei lơ tơplih, hơgei, hơtŏk pơ-‘lơ̆ng tơdrong jang roi năr roi đei jơnei tơnăp, ƀôh hơdah.

Lơ̆m khei năr truh, Kơdră Kuôk hô̆i Trần Thanh Mẫn pơkăl dôm jăl jang Đảng, jơnŭm pơgơ̆r jang Măt trâ̆n, jơnŭm jang tơpôl pơm jang đei jơnei tơnăp lơ̆m pơm kiơ̆ Tơchơ̆t Hop akŏm Đảng jơ̆p teh đak ‘măng mă 13, Tơchơ̆t 16 kơ Ƀan châ̆p hanh Đảng ƀô̆ pơlei tơm, Tơchơ̆t ‘măng hop akŏm mă 7 Kuôk hô̆i jăl 15, tơbang hơdah dôm tơchơ̆t, sơnong jang lơ̆m hơtŏk mŭk drăm, tơpôl, vei sơđơ̆ng tơpôl tơ̆ tơring. Hải Phòng kăl sơkơ̆t hơdah anih dơ̆ng, mŭk drăm, tơdrong hiôk vă hơtŏk tơ-iung păng yak hloh pơkăp jang mŭk drăm tơpôl sơnăm 2024. Tơgop hăm jơ̆p teh đak hơtŏk keh đang dôm sơnong jang kiơ̆ Tơchơ̆t Kuôk hô̆i lơ̆m sơnăm 2024.