Tơ̆ ‘măng năm ngôi tơ̆ teh đak CHND Trung Hoa, Kơdră Kuôk hô̆i Vương Đình Huệ gô đei dôm ‘măng pơma dơnuh, pơma đam hăm kơdră chĕp kơ̆l gĭt kăl kơ teh đak CHND Trung Hoa, vang truh akŏm dôm ‘măng Hop akŏm tơdrong jang tơgŭm, tơƀơ̆p pơma dơnuh hăm kon pơlei Việt Nam – Trung Quốc,  pơma đam, sơng kơdră chĕp kơ̆l dôm grŭp jang tih păng năm ngôi tơ̆ Anih jang tang măt Việt Nam tơ̆ Trung Quốc, tơƀơ̆p muh măt tơpôl bơngai Việt tơ̆ Trung Quốc…v.v.

Kơdră Kuôk hô̆i Vương Đình Huệ, Kuôk hô̆i Việt Nam păng  Nhân đại toàn quốc Trung Quốc gô kĭ ‘nao tơdrong drơ̆ng nơ̆r jang hơdai tơplih ăn Tơdrong drơ̆ng nơ̆r jang hơdai hlôi kĭ sơnăm 2015 hăm dôm tơdrong ‘nao. Kŭm hăm tơdrong drơ̆ng nơ̆r jang hơdai ‘nao đơ̆ng Kuôk hô̆i Việt Nam păng Nhân đại toàn quốc Trung Quốc, Anih jang Kuôk hô̆i Việt Nam păng Anih jang chĕp kơ̆l pơgơ̆r Nhân đại toàn quốc Trung Quốc kŭm gô ‘măng mă blŭng kĭ tơdrong drơ̆ng nơ̆r jang hơdai vă tơlĕch jang kiơ̆ dôm tơdrong jang hơdai đơ̆ng anih jang pơjing khôi luơ̆t 2 teh đak.