Dôm hŏk tro so Lào hlôi hŏk tơ̆ Việt Nam pơma atŭm păng Hnam trưng T78 pơma hơdrô̆, ling lang chih tơƀlŏk păng lăng ‘lơ̆ng tơdrong pơvei jang hơdai Lào-Việt ưh kơđei pơdơh đei hơtŏk pơđĭ hloi găh să păng jrŭ lơ̆m rim tơdrong jang, tơgŭm băl. Kơdră Kuôk hô̆i Lào bơnê kơ Kuôk hô̆i Việt Nam hlôi ling lang bơngơ̆t truh păng lăng kăl tơdrong hơtŏk loi dơ̆ng tơdrong pơvei gĭt kăl Lào - Việt Nam.

Kơdră Kuôk hô̆i Vương Đình Huệ akhan, Hnam trưng Hữu Nghị T78 jĭ 1 lơ̆m dôm gơng tơƀưh tơgoăt, pơm hơtŏk ‘lơ̆ng dơ̆ng ăn tơdrong tơgoăt tơgoăl - tơbôl Lào - Việt roi ‘lơ̆ng, kơjăp. Kơdră Kuôk hô̆i tơroi rơđăh, ‘nâu jĭ hnam trưng ‘măn ăn kơ hŏk tro teh đak đe mă blŭng đei pơjing tơ̆ Việt Nam, kŭm jing hnam trưng pơtho kơ sô̆ hŏk tro Lào lơ hloh lơ̆m jơhnơr arih.