Sơnăm 2023, Anih jang Kuôk hô̆i hlôi jang tơgŭm, pơvih pơvăn, pơgơ̆r jơnei 5 ‘măng hop akŏm Kuôk hô̆i ‘noh đei 3 ‘măng hop akŏm ưh kơ ê păng 2 ‘măng hop akŏm hơnơ̆ng; 15 ‘măng hop akŏm kơ Anih chĕp kơ̆l pơgơ̆r Kuôk hô̆i; 25 ‘măng hop akŏm kơ Đảng khŭl Kuôk hô̆i; 04 Khŭl dăr hơlen tơdrong jang kơ Kuôk hô̆i, Anih chĕp kơ̆l pơgơ̆r Kuôk hô̆i păng dôm tơdrong jang tih lơ̆m teh đak, apŭng plĕnh teh nhen: Hop akŏm Mŭk drăm - Tơpôl Việt Nam 2023; ‘Măng hop akŏm pơtih gia “Kuôk hô̆i hơioh” ‘măng mă mônh sơnăm 2023; Khŭl Nghị sỹ mơlôh jơ̆p plei teh ‘măng mă 9, Hop akŏm Grŭp pơtho tơƀôh Lơ nghị viện khŭl jang dôm teh đak Đông Nam Á (AIPA Caucus) ‘măng mă 14.

Dôm jơnei ‘lơ̆ng âu hlôi tơgop gĭt kăl lơ̆m jơnei atŭm kơ Kuôk hô̆i lơ̆m sơnăm 2023. Hlôi drơ̆ng nơ̆r hăm 11 hơnăp jang sơnăm 2024 mă Anih jang Kuôk hô̆i hlôi tơlĕch ăn, Kơdră Kuôk hô̆i athei dôm anih bơ̆ jang kơ Kuôk hô̆i, Anih jang Kuôk hô̆i kăl kơ hơnơ̆ng hơdrin vă sơnăm đơ̆ng rŏng jang đang hơnăp jang ‘lơ̆ng hloh kơ sơnăm hơdrol.