Tơ̆ jơ bơ̆ jang, bơngai tang măt ăn dôm Anih jang kơ Kuô̆k hô̆i, dôm anih tơm, anih jang kơpal đei ƀơm truh tơchĕng ‘lơ̆ng dôm tơdrong mă plt Hà Nội jang đei khei ‘năr âu ki. Đơ̆ng rŏng 15 sơnăm pơih xă tơring tĕh, um ai plt đei lơ tơdrong tơplih. Hà Nội jang đei lơ tơdrong tôch hơiă, GRDP tŏk lơ; thu mong jên ăn tĕh đak tŏk hlŏh kơsô̆ hơgăt đei pơjao.

Pơma pơtôch jơ bơ̆ jang, Kơdră Kuô̆k hô̆i Vương Đình Huệ akhan, plt Hà Nội hlôi adrin bơ̆ jang ‘lơ̆ng dôm tơdrong Tơchơ̆t đơ̆ng Hop akŏm đảng, tơdrong tơchơ̆t đơ̆ng plt, dôm tơdrong tơchơ̆t đơ̆ng Trun ương, Kuô̆k hô̆i, Khul kơdră tĕh đak păng iŏk đei jơnei lơ tơdrong tôch gĭt kăl. Tơ̆ hơnăp kơnh, Kơdră Quốc hội athei Hà Nội hơnơ̆ng hơlen năng rim tơdrong jang tŏk bŏk jăl jang, vă đei trong jang tŏk hrĕnh, pran ‘lơ̆ng ƀiơ̆, hơlen năng rim tơdrong vă gơ̆h jang kĕh dôm tơdrong hơgăt jang tŏk mŭk drăm, tơpôl lơ̆m jăl jang; jang ‘lơ̆ng hlŏh dơ̆ng tơdrong tơmât jên jang kơ tĕh đak, adrin tơlĕch jang kiơ̆ dôm tơdrong tơprŏh trong jang hlôi đei; pơm hơdăh tơdrong tơm pơm tơjur kơ sư̆k jang tŏk đơ̆ng plt roi jur ƀiơ̆ pơtêng hăm kơsô̆ jô̆ păh lăp lơ̆m tĕh đak.