Thủ tướng Thái Lan lăng ‘lơ̆ng ‘măng năm ngôi bơ̆jang tơ̆ Thái Lan đơ̆ng Kơdră Kuôk hô̆i Vương Đình Huệ ƀlep ƀơ̆t tơbăt 10 sơnăm pơjing tơdrong pơvei Jang hơdai gĭt kăl Việt Nam – Thái Lan, tơgŭm pơm tơdrong ‘lơ̆ng hơnhăk jang hơdai 2 teh đak hơtŏk tơiung roi ‘năr roi jrŭ să, ‘lơ̆ng.

Kơdră Kuôk hô̆i Vương Đình Huệ roi tơbăt hăm Thủ tướng Srettha Thavisin 1,2 jơnei ‘lơ̆ng lơ̆m Pơma đam hăm Kơdră Kuôk hô̆i Thái Lan, pơma hơdăh tơdrong Kuôk hô̆i 2 teh đak kĭ hla ar chih tơƀlŏk jang hơdai gô pơtrŭt hloh dơ̆ng tơdrong pơvei đơ̆ng 2 Nghị viện, tơgop hơtŏk loi dơ̆ng tơdrong pơvei jang hơdai gĭt kăl păng ‘meh vă 2 teh đak jăh hơtŏk ming tơdrong pơvei lơ̆m khei ‘năr mă lăp. Thủ tướng Thái Lan pơma hơdăh gô năm ngôi tơ̆ Việt Nam lơ̆m sơnăm 2024 păng drơ̆ng nơ̆r hơtŏk ming tơdrong pơvei 2 teh đak tŏk jang hơdai gĭt kăl tôm tơdrong.